Үйлчлилгээ юу? Юу вэ?

Хэдэн сарын өмнөөс манай компани mobicom-ын үндсэн хэрэглэгчдийг нэгтгэн group хэмээх үйлчилгээндээ хамрууллаа. Анх миний ойлгосоноор сүлжээнд хамрагдсан хүмүүс хоорондоо хямд тарифаар ярьдаг өөр ямар нэгэн асуудалгүй хэмээн нэгдэлд орсон билээ. Group үйлчилгээнд орсноор төлбөрийн үнийн дүнгээс нэг их хэмнэлт гарсангүй. Мэдээж ажил дээрээ хоорондоо гар утаснаасаа залгаж яриад байхгүй нь тодорхой. Дотоод холбоо интернет гэх мэтийн аргууд байхад.
Сүүлийн хэдэн сар, сар бүрийн сүүлчээр нэгээс хоёр хонгоор утас салгагддаг боллоо. Шалгааныг нь сонсвол тус үйлчилгээнд хамрагдсан бүх хүмүүс төлбөрөө заавал бүгд тушаасан байх ёстой гэх юм. Эс тэгвээс төлбөрөө тушаасан эсэх нь хамаагүй таны утас автомат хариулагчтай холбогдох болно. Ингээд хамгийн сүүлийн хэрэлэгч мөнгөө тушаасны дараа нэг юм утастайгаа золгоно. Энэ шудрага уу? Хоорондын ярианы төлбөрийг хэдхэн хувиар багасгасаны төлөө заавал ийм өндөр шаардлага тавьсны хэрэг байна уу?. Маш энгийн жишээн дээрээс хархад сар бүрийн 20-ны өдрөөс өмнө ярианы төлбөрөө тушаавал 5% хөнгөлөлт дараа сардаа эдлэх эрхтэй хэмээн сар болгон ирдэг билээ. Дээрх нөхцлөөр бол та 20-ноос өмнө хийсэн ч бай хийгээгүй ч бай эдлэх боломжгүй болж байна. Яагаад гэвэл та төлбөрөө хийсэн ч танай компаны хэн нэг нь хийгээгүй бол 5%-иа авах боломжгүй болно гэсэн үг. Гар утас барьж эхэлснээс хойш нилээн хэдэн жил болж байна. Утасны цэнэг дуусаж утас салж байсан болхоос ингэж шившигтэйгээр утас салж байсангүй. Одоогийн байдлаар 2 хоног яаж ч чадахгүй хүлээж байна. Төлбөрөө төлснийг нь залгаад өгөөч ээ хэмээн гуйхад, бусад чинь төлөөгүй учраас залгаж өгөх боложгүй хэмээн хариулт өгч байна. Тэгээд аргагүйн эрхэнд салгуулхаар албан бичиг гаргуулан очход үйлчилгээг салгахад үйлчилгээний хөлс 3000т гэж байх юм. Мөн дээрээс нь салгуулах гэж очсон өдөр хүртэлх ярианы төлбөрийг нэмж авна гэсэн дотоод дүрэмтэй. Энэ нь юу гэсэн үг вэ гэвэл 29-нд очлоо гэж үзье. Тэгвэл 29 өдөр хүртэлх ярианы мөнгөө тушаана гэсэн үг. Сарын тооцоо ирэх хүртэл (дээрх жишээ нь дээр 6 хоног) хонгуудад дагалдах яриандаа ярьж амжихгүй бол сул мөнгө төлнө гэсэн үг. Очоод үйлчлүүлхэд сүлжээ энэ тэр нь тасалдаж 2 цаг гаруй суулгасан зэргийг энд бичихгүй. Надад ч ийм юм тохиолддог болхоор зовлонг нь ойлгож байна. Mobicom-ын бүх үйлчилгээнд ийм сэтгэл дундуур байгаад байдаггүй л дээ. Давуу сайн талууд зөндөө бий.

Kомпаныхаа нэрийг хэрхэн өгдөг вэ?

Хөлөг онгоцоо юу гэж нэрлэнэ, онгоц нь яг тэгэж хөвнө гэсээр байтал "Зовлонт" нэр зүүсэн нэгэн усан онгоцны багийнх хэрхэн үйлээ үзэж байдгийг та лав үзсэн биз.
Бизнес нэртэй асар том тэнгэст хөвөх усан онгоц болох компанын хувьд ч нэр маш чухал байх нь мэдээж. Иймд дэлхийд нэр алдар нь түгсэн цуутай компаныг үндэслэгч биг Боссууд нь тухайн нэрийг ямар үндэслэлтэйгээр сонгосон талаах зарим сонирхолтой баримтыг хүргэж байна.

Adobe. Энэ нь компанийг үндэслэгч Жон Ворнокийн байрны ардуур урсдаг байсан Adobe Creek гэсэн голын нэрнээс үүдэлтэй.

Adidas.Энэ компанийг үндэслэгчдийн нэг болох Ади Даслерийн нэрнээс бүтжээ.

Apple. Энэ компанийг үндэслэгч Стива Жобсын хамгийн дуртай жимс нь алим байжээ. Шинэ компанидаа нэр олох гэж бүтэн гурван сар оролдоод бүтэлгүйтсэнийхээ дараа Стив Жобс нь хөрөнгө оруулагчдадаа хандан “Өнөө орой 5 цаг гэхэд өөр олигтой нэр санал болгож чадахгүй бол би компаниа Apple нэрлэлээ шүү!” гэснээр ийм нэртэй болжээ. Apples Macintosh – гэдэг нь АНУ-д зарагддаг байсан алимны нэгэн сорт.

Google. Энэ нь ардаа 100 тэгтэй тоог нэрлэсэн Googol гэсэн үгнээс гаралтай юм. Энэ бизнесийг санаачлагчид анхны хөрөнгө оруулагчдаасаа бэлэн мөнгө чек автал дээр нь Google гээд биччихсэн байсан тул компаниа ингэж нэрлэхээр шийдсэн байна.

HP Компанийг үндэслэгч Билл Хьюлетт (Bill Hewlett), Дэйв Паккард (Dave Packard) хоёр нь хэнийх нь нэр эхэнд орохоо зоос шидэж үзэхэд Билл нь ялснаар ийм нэр бий болжээ.

Kodak. Компанийг үндэслэгч Жорж Истмен нь К үсгэнд их дуртай байсан аж. Тэгээд энэ үсгээр эхэлж бас төгссөн үг хайж нэлээд уджээ. Тэгсээр зураг дарах үед гардаг авиаг дуурайлган Кодак гэж нэрлэхээр шийджээ.

Nokia. Дэлхийн гар утасны хамгийн том үйлдвэрлэгч нь анхандаа финляндын Нокиа нэртэй хотод байрладаг мод боловсруулах үйлдвэр байжээ. Яваандаа резинэн эдлэлийн үйлдвэр болж томорчээ.

Sony. Энэ нь латин буюу дуу авиа “sonny” буюу хар ярианы жаахан хүүхэд гэсэн хоёр үгнээс бүтжээ.

Toshiba. Энэ компани нь өргөн хэрэглээний бүтээгдэхүүн үйлдвэрлэдэг Tokyo Denki (Tokyo Electric Co) ба цахилгаан барааны Shibaura Seisaku-sho (Shibaura Engineering Works) гэсэн хоёр компани нийлсний дараа үүссэн байна.

Yahoo. Энэ нь нэрээр Жонатан Свифтын “Гулливерийн адал явдал” зохиол дээр гардаг ухаан морьдууд хүн төрөлхтнийг нэрлэдэг юм. Гэвч энэ нь яваандаа бүдүүлэг, зэрлэг, бохир хүмүүсийг нэрлэх нэр болон хувирчээ. Энэ компанийг үүсгэгч Жери Янг (Jerry Yang), Дэвид Фило (David Filo) хоёр нь өөрсдийгөө “yahoo” гэж дууддаг байсан болохоор компаниа ингэж нэрлэжээ. Гэвч энэ тийм ч таатай нэр биш болохоор одоо “yahoo” гэдгээ Yet Another Hierachical Officious Oracle гэж тайлан уншдаг болжээ.